АҚШ Президенти Дональд Трамп Нью-Йоркда Халқаро футбол федерацияси (ФИФА) шарафига қабул маросими ўтказишни режалаштирмоқда, шунингдек, футбол бўйича Жаҳон чемпионати финал учрашувида иштирок этади.
Бу ҳақда Оқ уй матбуот котиби Кэролайн Ливитт маълум қилди.
«Жума куни президент ФИФАнинг Манҳэттендаги [Америка етакчисига тегишли бўлган] "Trump Tower" осмонўпар биносида ташкил этиладиган қабул маросимида қатнашиш учун Нью-Йоркка йўл олади. Якшанба куни эса у ФИФА Жаҳон чемпионатининг финал учрашуви — Испания ва Аргентина терма жамоалари ўртасидаги ўйинни бевосита стадиондан кузатади», — деди у журналистлар учун ўтказилган навбатдаги брифингда.
19 июль куни бўлиб ўтадиган Жаҳон чемпионатининг финал баҳсида Аргентина терма жамоаси Испанияга қарши майдонга тушади. Аргентина амалдаги жаҳон чемпиони бўлиб, ушбу нуфузли кубокни уч бор қўлга киритган. ЖЧ финали Нью-Жерси штатида бўлиб ўтади. Аввалроқ хабар қилинганидек, Дональд Трамп ғолибларга кубокни шахсан топширади.
“Ислом НАТО”сига қўшилишни хоҳловчилар кўпаймоқда
Путин Украина билан тинчлик музокаралари учун Москва шартини айтди
ЖЧ-2042га қайси давлат мезбонлик қилади?
