Трамп Эронни яна огоҳлантирди: "Бундан буён ҳар бир ўқ..."

АҚШ президенти Доналд Трамп ҳусийлар ҳужумлари ортида Эрон турганини айтди ва янги ҳужумлар содир бўлса, АҚШ фақат Яман исёнчиларига зарба бериш билан чекланиб қолмаслигини билдирди.

"Ҳусийлар томонидан амалга оширилаётган юзлаб ҳужумлар Эрондан келиб чиқмоқда. Бундан кейин бўладиган ҳар қандай ҳужум ёки жавоб зарбаси катта куч билан қаршиланади ва бу куч шу ерда тўхтаб қолишига ҳеч қандай кафолат йўқ," - дея ўзининг Truth Social ижтимоий тармоғида ёзди у.

"Улар террорчиларга ҳар бир қадамни белгилаб беради, қурол-яроғ ва пул билан таъминлайди, энг замонавий ҳарбий техника ва ҳатто шундай деб аталадиган разведка маълумотлариъни етказиб беради. Бундан буён ҳусийлар томонидан отилган ҳар бир ўқ Эроннинг қуроллари ва раҳбарияти томонидан отилган ўқ сифатида қаралади," деб таъкидлади Оқ уй раҳбари.