АҚШ президенти Дональд Трамп ОАВларда Вашингтон Эронга ядровий дастур бўйича ён бериш эвазига санкцияларни юмшатиш ва музлатилган активларни очишни таклиф қилгани ҳақида тарқалган хабарларни рад этди.
Трамп ўзининг Truth Social тармоғида бундай таклиф бермаганини билдириб, Axios нашридаги хабарни «ёлғон» деб атади ва уни рад этишга чақирди.
Аввалроқ Axios ва CNN каби АҚШ ОАВлари Трамп Эрон ядровий келишуви бўйича олға силжиш кузатилса, санкцияларни енгиллаштириш ва Теҳроннинг музлатилган маблағларини очишга тайёр бўлиши мумкинлиги ҳақида хабар берган эди.
Шу билан бирга, Reuters манбалари АҚШ маъмурияти Эрон ва Ироқ ўртасида шиъа зиёратчиларини ташийдиган авиарейсларни вақтинча санкциялардан озод қилиш имкониятини кўриб чиқаётганини маълум қилган.
Аввалроқ Теҳрон нефть экспортига қўйилган чекловлар ва денгиз блокадаси бекор қилинса, Ҳурмуз бўғозини етти кун ичида очишни таклиф қилган. Трамп эса 27 сентябрь куни бу шартларни рад этган.
Айни пайтда Ҳурмуз бўғози орқали кемаларнинг эркин ҳаракати тикланмагани хабар қилинмоқда.
10 йилдан бери қидирувда бўлган ўзбекистонлик ИШИДчи, «Чойхона» раҳбари АҚШга экстрадиция қилинди
Нетаняху нутқи пайтида зални тарк этган давлатлар рўйхати
Раъно Шодиева учун оғир жудолик
