AQSh prezidenti Donald Tramp OAVlarda Vashington Eronga yadroviy dastur bo‘yicha yon berish evaziga sanksiyalarni yumshatish va muzlatilgan aktivlarni ochishni taklif qilgani haqida tarqalgan xabarlarni rad etdi.
Tramp o‘zining Truth Social tarmog‘ida bunday taklif bermaganini bildirib, Axios nashridagi xabarni «yolg‘on» deb atadi va uni rad etishga chaqirdi.
Avvalroq Axios va CNN kabi AQSh OAVlari Tramp Eron yadroviy kelishuvi bo‘yicha olg‘a siljish kuzatilsa, sanksiyalarni yengillashtirish va Tehronning muzlatilgan mablag‘larini ochishga tayyor bo‘lishi mumkinligi haqida xabar bergan edi.
Shu bilan birga, Reuters manbalari AQSh ma’muriyati Eron va Iroq o‘rtasida shi’a ziyoratchilarini tashiydigan aviareyslarni vaqtincha sanksiyalardan ozod qilish imkoniyatini ko‘rib chiqayotganini ma’lum qilgan.
Avvalroq Tehron neft eksportiga qo‘yilgan cheklovlar va dengiz blokadasi bekor qilinsa, Hurmuz bo‘g‘ozini yetti kun ichida ochishni taklif qilgan. Tramp esa 27 sentyabr kuni bu shartlarni rad etgan.
Ayni paytda Hurmuz bo‘g‘ozi orqali kemalarning erkin harakati tiklanmagani xabar qilinmoqda.
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
Ra’no Shodiyeva uchun og‘ir judolik
