Трамп Эрондаги мактабга берилган зарба тергови натижалари эълон қилинишига шубҳа билдирди

АҚШ Президенти Дональд Трамп Эроннинг Миноб туманидаги қизлар мактабига Америка ҳарбийлари томонидан берилган зарба тафсилотлари қачондир тўлиқ аниқланишига ишончи комил эмаслигини маълум қилди.

У бу ҳақда Fox News телеканалига берган интервьюсида айтиб ўтган.

"Мен генераллар билан гаплашиб олишим керак бўлади... Биласизми, у ерда нима содир бўлганини қачондир кимдир аниқ айтиб бера олишига ишонмайман", — деди Трамп тергов натижаларининг эълон қилиниши ҳақидаги саволга жавоб берар экан.

Шу билан бирга, АҚШ президенти ҳарбийлар билан маслаҳатлашувлардан сўнг ҳисобот тайёр бўлиши биланоқ чоп этилишини қўшимча қилди, бироқ ушбу ҳужжат якуний ҳақиқатни акс эттира олишига шубҳа билдирди.