Трамп: "Демократик партия Эрондан кейин Қўшма Штатларнинг асосий душмани саналади"с

АҚШ президенти Дональд Трамп Эрондан кейин Демократик партия Қўшма Штатларнинг энг катта душмани бўлиб қолишини таъкидлади.

Бу ҳақда Америка етакчиси ўзининг Truth Social ижтимоий тармоқ саҳифасида ёзган.

"Энди, Эроннинг қулашидан сўнг, Американинг энг катта душмани радикал чап ва жуда қобилиятсиз Демократик партия", деб таъкидлади Трамп.

Аввалроқ, Вакиллар палатаси озчиликлар етакчиси Ҳаким Жеффрис Трамп Эронга зарба бериш учун Конгрессдан рухсат сўрамаганини айтган эди. Унинг сўзларига кўра, маъмурият дарҳол Америка жамоатчилиги ва қонун чиқарувчиларга ҳарбий ҳаракатлар асосларини тушунтириши, миллий хавфсизлик мақсадларини баён қилиши ва Яқин Шарқда янги чўзилган можаронинг олдини олиш режасини тақдим этиши керак.