"Мен сиёсий фаол Чарли Киркнинг шафқатсизларча ўлдирилишидан чуқур қайғудаман ва ғазабдаман". Бу ҳақда АҚШ президенти Дональд Трамп фожиа муносабати билан эълон қилинган видеомурожаатида маълум қилди.
Трамп содир бўлган воқеа "Американи зулматга ботганини" таъкидлади ва зўравонликнинг ҳар қандай кўринишига қарши курашишга ваъда берди.
"Менинг маъмуриятим ушбу ва бошқа сиёсий зўравонлик ҳаракатларига алоқадор бўлган барчани, шу жумладан, бундай ҳаракатларни молиялаштирадиган ва қўллаб-қувватловчи ташкилотларни, шунингдек, мамлакатимизда тартибни таъминловчи судьялар, ҳуқуқ-тартибот идоралари ходимлари ва бошқаларга қарши чиққанларни топади”, деди у.
Трамп Киркнинг ўлдирилишини Пенсилванияда унга қарши уюштирилган суиқасдга қиёслади.
Эслатиб ўтамиз, ўтган йилнинг 14 июль куни Пенсилванияда сайловолди митинги чоғида Дональд Трампга қарата ўқ узилган, натижада у қулоғидан жароҳат олган эди.
Шерзодхон Қудратхўжа Лола Каримовага Ислом Каримовнинг хатоларини эслатди ва балога қолди
"Украина уч қисмга парчаланади..."
"UzAuto Motors" 8 та янги модел чиқармоқчи
