Трамп “бесарҳад таслим бўлиш”ни талаб қилди

Чоршанба куни минглаб одамлар Теҳрондан қоча бошлади, чунки АҚШ президенти Дональд Трамп пойтахтни тарк этишни маслаҳат берди. Шу билан бирга, манбаларга кўра, Трамп Исроил билан биргаликда Эроннинг ядровий объектларига зарба бериш вариантларини кўриб чиқмоқда.

Трамп Теҳрондан “БЕСАРҲАД ТАСЛИМ БЎЛИШ!”ни талаб қилганидан сўнг Эрон ва Исроил бир-бирига янги ракета зарбаларини йўллади.

Исроил ўз ҳаво кучлари Эрон ҳарбий иншоотларига зарба бериши учун Теҳроннинг жануби-ғарбий қисмидаги аҳолига эвакуация бўлишни буюрди. Эрон ОАВлари пойтахтдан шимолий вилоятлар томон йўлларда кучли тирбандликлар кузатилаётганини хабар қилмоқда.