Трамп Байден автоперо орқали имзолаган барча ҳужжатларни “ҳақиқий эмас” деб эълон қилди

Трамп Байден автоперо орқали имзолаган барча ҳужжатларни “ҳақиқий эмас” деб эълон қилди, бу АҚШ Конституциясига зид.

АҚШ президенти ўзининг Truth Social ижтимоий тармоғида Жо Байден президентлик муддатининг сўнгги ойларида автоперо (инсон имзосини юқори аниқлик билан такрорлайдиган қурилма) ёрдамида имзолаган барча ҳужжатларни "ҳақиқий эмас" деб ҳисоблашини эълон қилди. Трампнинг таъкидлашича, бу қарор барча ҳужжатларга, жумладан, афв этиш тўғрисидаги қарорларга ҳам тегишли.

Оқ уй раҳбарининг фикрича, автоперо ишлатилгани қарорни президентнинг ўзи қабул қилмаган бўлиши мумкинлигини англатади. Байден эса ўз ваколатларининг сўнгги ойларида автоперо ишлатганини инкор этмайди, бироқ барча қарорларни шахсан ўзи қабул қилганини таъкидлайди.

"Трамп Байденга нисбатан бундай эътирозларни биринчи марта билдирмаяпти. Автоперо эса бошқа президентлар томонидан ҳам қўлланилган. Улардан айримлари, жумладан Трампнинг ўзи ҳам, афв этиш ҳақидаги ҳужжатларга имзо қўйишда автоперо ишлатган. 2005 йилда АҚШ Адлия вазирлиги президент автоперо фойдаланиши қонуний эканини расман тушунтирган эди", дея ёзмоқда BBC.

АҚШ Конституцияси амалдаги президентга ўзидан аввалги президентнинг қарорларини оммавий тарзда бекор қилиш ҳуқуқини бермайди, дея қайд этди Ахios.