Трамп: "АҚШ Венесуэла расмийлари билан мувофиқлаштирилган ҳолда нефть танкерини ҳибсга олди"

Қўшма Штатлар Венесуэла билан мувофиқлаштирилган ҳолда Жанубий Америка мамлакатидан "рухсатсиз" чиқиб кетган нефть танкерини ушлади.

Бу ҳақда АҚШ президенти Дональд Трамп ижтимоий тармоқдаги саҳифасида ёзди.

Оқ уй раҳбари қайси кема ушланганини аниқ айтмади. Аввалроқ, АҚШ Жанубий қўмондонлиги Olina нефть танкерининг ушланганини расман тасдиқлади.

"Бугун Қўшма Штатлар Венесуэланинг вақтинчалик ҳукумати билан мувофиқлаштирилган ҳолда бизнинг рухсатимизсиз Венесуэладан чиқиб кетган нефть танкерини ушлади. Бу танкер энди Венесуэлага қайтмоқда ва кемадан олинган нефть биз бундай савдо учун тузган шартнома бўлган GREAT Energy Deal доирасида сотилади", деди Трамп.