Трамп АҚШ президенти лавозимига киришганидан бери Буюк Британия Россиянинг киберҳужумлари нишонига айланди

Дональд Трамп АҚШ президенти лавозимига киришганидан бери Буюк Британия Россиянинг киберҳужумлари ва разведка фаолиятининг асосий нишонига айланди.

Бу ҳақда Times газетаси Британиянинг аноним юқори мартабали амалдорига таяниб хабар берди.

Нашр манбасига кўра, Британия Россиянинг биринчи рақамли нишонидир. Йил бошидан бери Буюк Британия разведка хизматлари Россиянинг "гибрид ҳужумлари", жумладан киберҳужумлар ва мамлакатдаги асосий инфратузилма объектларини бузишга уринишлар кўпайганини қайд этди.

Расмий Россиянинг Британияга бўлган катта қизиқишини Трамп даврида Москва ва Вашингтон ўртасидаги муносабатларнинг илиқлашиши билан изоҳлади, бу эса Россия Федерациясининг Америка ҳудудидаги ҳар қандай ҳаракатини ўринсиз қилади.