АҚШ президенти Доналд Трамп Колумбия етакчиси Густаво Петрони гиёҳванд моддалар ишлаб чиқаришда айблади ва унга нисбатан Венесуэла президенти билан содир бўлганига ўхшаш сценарий такрорланиши мумкинлигини инкор этмаган. Трамп бу ҳақда Air Force One самолёти бортида журналистлар билан суҳбат чоғида маълум қилди.
"Колумбия ҳам жуда оғир аҳволда, уни кокаин ишлаб чиқаришни ва уни АҚШга сотишни ёқтирадиган касал одам бошқаряпти, у бу иш билан узоқ шуғуллана олмайди", — деди Оқ уй раҳбари.
Трампдан бу гаплар Колумбияга қарши операция эҳтимолини англатадими, деб сўралганда, у: "Ёмон эшитилмайди", деб жавоб берган.
Бундан ташқари, АҚШ президенти қўшни Мексикани ҳам огоҳлантириб, "Улар ўзларини тартибга солиши керак, чунки бизга Мексика орқали гиёҳванд моддалар оқиб келмоқда ва биз нимадир қилишимизга тўғри келади", деди.
Доналд Трамп Мексика президенти Клаудия Шейнбаумни “ажойиб инсон” деб атади ва у билан гаплашганида АҚШ қўшинларини Мексикага юборишни таклиф қилганини айтди.
"Мексика ҳукумати бу муаммони ҳал қилишга қодир, аммо, афсуски, Мексикада картеллар жуда кучли. Картеллар Мексикани бошқармоқда", — дея қўшимча қилди Оқ уй раҳбари.
Саида Мирзиёева: Бу фожиа нафақат Ўзбекистонга, балки барча постсовет мамлакатларига хосдир"
Хоин тан соқчи 50 миллион доллар олиши мумкин
Мадуронинг ўғли отасининг ўғирлаб кетилишидан сўнг унга мурожаат қилди
