АҚШ президенти Дональд Трамп Хунг Каони мамлакат Ҳарбий-денгиз кучлари вазири лавозимига доимий асосда тайинлаш учун номзод сифатида кўрсатди.
Као ҳозирга қадар ушбу лавозим вазифасини вақтинча бажариб келаётган эди. Трамп ўзининг Truth Social ижтимоий тармоғида бу қарорни эълон қилар экан, номзодга юқори баҳо берди.
«Ҳақиқий жангчи Хунг Каони АҚШнинг навбатдаги Ҳарбий-денгиз кучлари вазири лавозимига номзод сифатида кўрсатишдан мамнунман», — деб ёзди Трамп.
Оқ уй раҳбари, шунингдек, Сенатни Као номзодини имкон қадар тезроқ тасдиқлашга чақирди. Унинг таъкидлашича, бу Хунг Каога сўнгги ойларда олиб бораётган ишларини давом эттириш имконини беради.
Као 2026 йил апрель ойидан бери АҚШ Ҳарбий-денгиз кучлари вазири вазифасини бажариб келмоқда. У бу лавозимни Жон Фелан кетганидан кейин эгаллаган.
Бунга қадар Хунг Као АҚШ Ҳарбий-денгиз кучлари вазири ўринбосари лавозимида ишлаган.
Дунёда атиги уч киши хорижга паспортсиз саёҳат қилиши мумкин
Аманбай Оринбаевга генерал-майор унвони берилди
UzAuto Motorsʼни Хитой компанияси сотиб олмоқчи
