Трамп Antifa антифашистлар ҳаракатини “террористик ташкилот” деб эълон қилди — CNN

АҚШ президенти ўзининг Truth Social ижтимоий тармоғида америкалик антифашистлар ҳаракатини “радикал сўл қанот офати” деб атади ва уни “террористик ташкилот” деб эълон қилди. Трамп, шунингдек, Antifa'ни молиялаштираётган шахслар бўйича тергов ўтказишни талаб қилди.

Бироқ Оқ уй раҳбарининг бу баёноти ҳуқуқий кучга эгами ёки йўқми ҳозирча номаълум. Трамп илгари ҳам, хусусан, Black Lives Matter норозилик намойишлари вақтида, Antifa'ни “террористик ташкилот” деб тан олишни таклиф қилган эди.

"Бу галги баёнотга Доналд Трампнинг тарафдори ва консерватив фаол Чарли Киркнинг ўлдирилиши сабаб бўлди. АҚШ президенти Киркнинг ўлдирилишига берган илк муносабатларидан бирида унинг ўлимида “радикал сўл қанот”ни айблаган эди.