АҚШ президенти бу ҳақда NBC News'га берган интервюсида айтиб ўтди.
"Одамлар “Трамп 2028” ёзуви туширилган кепкаларни сотишмоқда. Аммо мен бундай ниятда эмасман", — деди Трамп.
У, шунингдек, 2028 йилги президентлик сайловида Республикачилар партияси номидан Жей Ди Вэнсни номзод сифатида кўраётганини билдирди.
"Мен ажойиб тўрт йилни ўтказиб, президентликни идеал ҳолатда, “буюк бир республикачига” топширишни режалаштиряпман. У бошлаган ишларимизни давом эттиради. Тўрт йил — бу ҳақиқатан ҳам муҳим ишларга эришиш учун етарли муддат. Бу ҳақда ҳали гапиришга эрта, лекин мен ўзимнинг вице-президентимга эгаман. Жей Ди Вэнс жуда ажойиб иш олиб боряпти", — деди Трамп.
