Индонезия ҳукумати ва "Toyota Motor Asia" компанияси мамлакатда биоэтанол ишлаб чиқариш бўйича 300 миллион долларгача бўлган қўшма лойиҳани муҳокама қиляпти. Режага кўра, Суматра оролида йилига 60 000 килолитр ёқилғи ишлаб чиқарувчи завод ва хомашё учун 6000 гектарлик сорго плантацияси ташкил этилади. Агар келишув амалга ошса, қурилиш ишлари 2026 йилнинг иккинчи ярмида бошланиши кутилмоқда.
Ушбу лойиҳа Индонезиянинг импорт ёқилғисига қарамликни камайтириш ва 2028 йилгача бензин таркибидаги биоэтанол улушини 10 фоизга етказиш стратегиясига мос келади. "Toyota" вакилларининг таъкидлашича, компания автомобиллари ушбу экологик ёқилғидан фойдаланишга тайёр бўлади. Ҳозирда музокаралар давом этмоқда ва лойиҳанинг техник жиҳатлари Япония тадқиқот ассоциациялари иштирокида кўриб чиқиляпти.
Лионель Месси Каталония клубини сотиб олди
Италия ОАВлари Макроннинг Жоржа Мелони билан учрашувдаги ҳаракатларини кескин танқид қилди
Теҳрон Эрон кемасини қўлга олганидан кейин АҚШ ҳарбий кемаларига ҳужум қилди
