Ички ишлар вазирлиги матбуот котиби Шоҳрух Ғиёсов уйи ёнғиндан зарар кўрганини айтиб, аҳолидан пул йиғиб, сўнгра машина сотиб олганини маълум қилган 19 ёшли блогер қиз билан боғлиқ ҳолат бўйича изоҳ берди.
Декабрь ойи бошида қиз ижтимоий тармоқларда уйи ёниб кетганини маълум қилган ва хонадонни тиклаш учун маблағ йиғишда ёрдам сўраган. Орадан вақт ўтгач, у тармоққа видео жойлаган ва ўзига янги автомобиль харид қилганини айтган.
Қайд этилишича, блогер билан профилактик суҳбат ўтказилган бўлиб, у ёнғин ҳақидаги видеоларни обуначилар сонини ошириш ва моддий манфаат олиш мақсадида жойлаганини тан олган. Шунингдек, блогерга бундай ҳаракатлар жамоатчилик шов-шувини келтириб чиқариши ва жамиятда салбий муносабат уйғотиши тушунтирилган.
“Бугунги кунга қадар унинг хатти-ҳаракатлари устидан шикоят келиб тушмади. Агар унинг хатти-ҳаракатларидан норози бўлган ёки моддий манфаатлари бузилаётганини билдирган фуқаролардан мурожаат келиб тушса, биз бу масалани, албатта, кўриб чиқамиз ва тегишли чора кўрамиз,” деган Шоҳрух Ғиёсов.
Россиянинг “таслим бўлиш” таклифи ҳақида маълум қилинди
Абдуқодир Ҳусанов «Реал»да ўйнашга яқин турибди
Россия собиқ СССРнинг Европа қисмидаги ҳудудларини қайтадан эгаллашни истайди(ми)?
