Тошкентда яна йўллар ёпилади! Ҳаракат чекланадиган кўчалар ва муддатлар эълон қилинди

Қурилиш-таъмирлаш ишлари туфайли баъзи йўлларда ҳаракатланиш чекланади.

Тошкент шаҳри, Мирзо Улуғбек туманида олиб бориладиган қурилиш-монтаж ишлари сабабли Зиёлилар кўчасининг Дўрмон йўли кўчаси кесишмасидан Қаландар кўчаси кесишмасигача бўлган бир томонлама йўналиш қисми 17 май соат 22:00 дан 19 май соат 08:00 гача барча транспорт воситалари ҳаракати учун ёпилади.

Шунингдек, қурилиш-таъмирлаш ишлари туфайли Кичик ҳалқа автомобиль йўлининг Чингиз Айтматов кўчаси кесишмасидан Оққўрғон кўчаси кесишмасигача бўлган қисми 17 май соат 22:00 дан 21 май соат 06:00 гача барча транспорт воситалари ҳаракати учун ёпилади.

Тошкент шаҳри ҳокимлиги бу вақт мобайнида ҳаракатланиш учун муқобил йўналишлардан фойдаланишни тавсия қилди.