Тошкент шаҳри Янгиҳаёт туманида 12 апрель куни икки қиз бошқа бир қизни “самосуд” қилгани ҳақида хабар берилган эди. Мазкур ҳолатга нима сабаб бўлгани айтилди.
Ҳолат 12 апрель куни содир бўлган эди. 2006 йилда туғилган Ҳ.С. ва 2007 йилда туғилган Д.У. қурилиши тугалланмаган объект ҳудудида жамоат тартибини бузиб вояга етмаган 2009 йилда туғилган С.Х.ни уриб, енгил тан жароҳати етказган. Ушбу мактаб директорининг сўзларига кўра, жанжалга миш-мишлар, чақимчилик сабаб бўлган.
Жабрланувчи бир беҳаё суратдаги қизни ўзидан юқори синфда ўқувчи қиз эканини айтиб, мактабда миш-миш тарқатган. Буни эшитган қиз эса уни дўппослаган.
Тошкент шаҳри мактабгача ва мактаб таълими бошқармаси ҳам ҳолат юзасидан муносабат билдирган. Маълум бўлишича, мактаб маъмурияти ушбу ҳолатдан 12 апрель куни кечки вақтда хабар топган.
13 апрель куни мактаб маъмурияти жанжал иштирокчиларининг ота-оналарини чақиртириб, улар билан тушунтириш ишларини олиб борган. Воқеа юзасидан Янгиҳаёт тумани ички ишлар органи фаолиятини мувофиқлаштириш бўлимига мурожаат қилинган.
Мазкур ҳолат юзасидан Янгиҳаёт тумани ички ишлар органи фаолиятини мувофиқлаштириш бўлими тергов бўлими томонидан Жиноят кодексининг 277-моддаси (безорилик) билан жиноят иши қўзғатилган. Тергов давом этмоқда.
Ўзбекистонга нам ва салқин ҳаво оқими кириб келади
Исроил Женинни босиб олди
АҚШ Исроил билан нима қилишни билмаяпти
