Тошкентда “Турк киноси кунлари” бўлиб ўтади

Туркия Маданият ва туризм вазирлиги Кино бош бошқармаси кўмагида 25–29 сентябрь кунлари Ўзбекистон Миллий кино санъати саройида “Турк киноси кунлари” бўлиб ўтади. 25 сентябрь куни ўтказиладиган тантанали очилиш маросимида таниқли турк актёрлари Энгин Алтан Дузятан, Ўзге Гурел, Серкан Чаёғлу ва Дениз Барут қизил йўлакдан ўтиб, ўзбекистонлик мухлислар билан учрашади. Очилиш маросимида Туркиянинг бой маданий мероси ва сайёҳлик салоҳиятини халқаро томошабинларга таништирувчи “Kökenlerin Fısıltısı” номли мини-сериал намойиш этилади. 26-сентябрь кунги фильм намойишлари режиссёр Тунч Давутнинг “Kesilmiş Bir Ağaç Gibi” фильми билан бошланади. Дастур доирасида 27 сентябрь куни режиссёр Юксел Аксунинг “Bak Postacı Geliyor” фильми, 28 сентябрь куни “Mutluyuz mu?” фильми, 29 сентябрь “Dedektif Reptır” анимацион фильми намойиш этилади.