Тошкентда қариялар уйининг девори қулаб тушди

Тошкент ИИББ ижтимоий тармоқларда тарқалган пойтахтнинг Олмазор туманида девор қулагани ҳақида маълумот юзасидан баёнот берди.

Унда айтилишича, 14 март куни тахминан соат 00:45 ларда Олмазор тумани Гуруч-ариқ кўчасида жойлашган қариялар уйининг баландлиги 3 метр, узунлиги 14 метр бўлган девори қулаб тушган. Ҳодисага пойтахтда кузатилган кучли ёғингарчилик сабаб бўлган.

Натижада, девор олдида турган Nexia автомашинага шикаст етган. Жароҳат олганлар йўқ.