Тошкентда мойлар бозорини ривожлантириш истиқболлари муҳокама қилинди

«Saneg» нефть-газ компаниясининг вертикал интеграциялашган нефть бизнес оператори "SEG Motol" компанияси ҳамкорларнинг биринчи анжуманини ўтказди. Анжуманда мойлаш материалларининг улгуржи ва чакана савдоси билан профессионал шуғулланувчи компания дистрибьюторлари, Ўзбекистон Республикасининг йирик саноат мой истеъмолчилари, автомобиль саноати ва автомобиль бизнеси, шунингдек, республиканинг энг йирик чакана савдо тармоқлари вакиллари иштирок этди.

"SEG Motol" компанияси директори Бахтиёр Асатуллаев ҳамкорлар билан учрашув муҳимлигини таъкидлади: "Ушбу конференция бизга бозор эҳтиёжларини билиш ва энг юқори сифат стандартлари ҳамда саноат талабларига жавоб берадиган маҳсулотларни таклиф қилиш учун ноёб имкониятни тақдим этади".

Анжуман доирасида бизнес вакиллари ва саноат истеъмолчиларига мойларни ривожлантиришнинг икки брендли стратегияси – «Saneg» ва "SEG Motol" тақдим этилди.

Saneg бренди остидаги маҳсулотлар Италиянинг Бари шаҳридаги "Saneg Oil Italy" заводи томонидан ишлаб чиқариладиган замонавий енгил автомобиллар учун премиум синтетик мойлар ҳисобланади.

"Saneg Oil Italy" компанияси ижрочи директори Мауро Ночелли қўшимча қилди: "Илғор технологиялар ва ишлаб чиқариш қувватлари бугунги кунда Ўзбекистон бозорига Европа сифат стандартларига жавоб берадиган маҳсулотларни таклиф қилиш имконини бермоқда".

Бундан ташқари, тадбир иштирокчилари Фарғона НҚИЗда ишлаб чиқарилаётган "Seg Motol" тижорат транспорти учун саноат мойлари ва сурков материалларининг ассортименти ҳамда рақобатбардош афзалликлари ҳақида билиб олдилар.

Иштирокчиларга ишлаб чиқариш қувватларини кенгайтиришни ўз ичига олган Saneg ёғлари бизнесини 2030 йилгача ривожлантириш стратегияси тақдим этилди. Хусусан, компания Ўзбекистонда йилига 60 минг тоннагача товар мойлари ҳамда 150 минг тонна базавий мойлар, Италиядаги заводда эса йилига 20 минг тоннагача товар мойлари ва 5 минг тонна сурков мойлари ишлаб чиқаришни режалаштирмоқда.