Тошкентда гинеколог номидан сохта маслаҳат берган йигит жазоланди

29 ёшли йигит Телеграмда аёл гинеколог шифокор номи ва суратидан фойдаланиб, сохта профил очган ва аёлларга онлайн тарзда “пуллик” маслаҳатлар бериб келгани аниқланди.

Унинг маслаҳатлари нотўғри бўлгани, шунингдек, ҳақиқий шифокорнинг шаъни ва қадр-қимматини камситгани маълум қилинди.

Суд жараёнида у қилмишини тан олиб, пушаймонлигини билдирган ва енгиллик сўраган.

⚖️ Суд қарорига кўра, йигит Маъмурий жавобгарлик тўғрисидаги кодекснинг 202-2-моддаси 1-қисми (бошқа шахснинг номидан сохта маълумот тарқатиш) билан айбдор деб топилди ва жазога тортилди.