Тошкентда дўкон ва дорихона пешлавҳалари учун тўлов жорий этилди

Пойтахт ҳокимлиги дўкон ва дорихоналардаги ном ёзилган пешлавҳаларни “ноқонуний ташқи реклама” деб баҳолаб, уларни олиб ташлашни талаб қилмоқда.

Тадбиркорлар айтганича, талаб ҳатто “мини маркет”; “дорихона”; “гўшт дўкони” каби оддий ёзувларга ҳам қўлланмоқда.

Бизнес-омбудсман расмийси Жамшид Ҳасанов: “Қарор қонуний, лекин адолатли эмас. Масалан, ‘дорихона’ сўзи бренд ёки товар номи эмас. Бироқ, агар ёзув 1 кв.м дан катта бўлса, реклама сифатида баҳоланмоқда. Бу ҳукуматнинг 104-сонли қарорида кўрсатилган. Биз қарорга ўзгартириш киритиш масаласини кўриб чиқяпмиз”.

Ҳозирги амалдаги тартибга кўра, ҳатто оддий пешлавҳалар ҳам реклама сифатида ҳисобланиб, тадбиркорлардан тўлов талаб қилинмоқда.

Манба: Paradigma.uz