Тошкент шаҳрида айрим автобус йўналишларида қатнов жадвали бузилиши ва транспорт воситаларининг бекатларга кеч етиб келиши кузатилмоқда.
Пойтахт транспорт бош бошқармаси ушбу ҳолатга изоҳ бериб, асосий сабаб сифатида шаҳарнинг қатор кўчаларида ҳаракатга вақтинчалик чекловлар ўрнатилганини кўрсатди.
Маълум қилинишича, мазкур чекловлар транспорт оқимининг бошқа йўлларга йўналишига ва тирбандликлар кучайишига олиб келмоқда.
Вазият айниқса эрталаб ва кечқурун, аҳоли ишга бориш ва қайтиш учун фаол ҳаракатланадиган соатларда мураккаблашмоқда. Натижада автобуслар белгиланган вақтда бекатларга етиб кела олмаяпти ва қатновлар орасидаги интерваллар узаймоқда.
Транспорт бош бошқармаси кечикишлар йўллардаги вақтинчалик чекловлар ва тирбандликлар билан боғлиқ эканини таъкидлади.
"Майли мени ўлдиришсин. Лекин... "
Актриса Нилуфар Ҳамидова 7 суткага қамалди
Хакерлар 27 миллиондан ортиқ ўзбекистонликнинг шахсий маълумотлари сақланган базани бузиб кирди
