Мажбурий ижро бюросининг Мирзо Улуғбек туман бўлимига «Монтессори-Таълим» нодавлат таълим муассасаси раҳбари Х.Йўлдашева туман электр тармоқлари корхонасидаги тамагирлик ҳолати юзасидан ариза билан мурожаат қилди.
Аризага кўра, таълим муассасасининг электр энергиясидан 6 минг сўм қарзи борлиги учун Мирзо Улуғбек тумани ETК юридик истеъмолчилар бўйича муҳандиси В.Ҳусанов ташкилотни тармоқдан узиб қўйган. У ушбу қарздорликни ёпиш учун қонунда белгиланган юридик шахслар учун белгиланган энг кам ойлик иш ҳақининг 10 баробарини тўлаши лозимлигини айтади. Агар ташкилот раҳбари энг кам ойлик иш ҳақининг 5 баробарини ўзига тўласа ҳеч қандай ҳужжатларсиз ташкилотни яна қайта электр тармоғига улаб беришини билдиради.
Бюронинг Мирзо Улуғбек туман бўлими ходимлари томонидан ушбу ҳолат юзасидан тезкор тадбир ўтказилди.
Тадбирда В.Ҳусанов истеъмолчи билан олдиндан таниш эканлигидан фойдаланиб, 2018 йилнинг 6 сентябрь куни нодавлат таълим муассасасига қарашли қурилиши тугалланмаган объектда электр энергиясидан қарздорлик мажудлигини айтиб, бунга ваколати бўлмаса-да, истеъмолчини тармоқдан узганлиги аниқланди. У кейинчалик ташкилот раҳбари Х.Йўлдашевадан муассасани тармоққа қайта улаб бериш учун Шайхонтоҳур туманидаги «Mediapark» савдо дўкони олдида, автомашиналар тўхташ жойида 920.000 сўм нақд пулни шахсий эҳтиёжи учун олаётганда далилий ашё билан ушланди.
Мазкур ҳолат юзасидан В.Ҳусановга ва бошқаларга нисбатан ЖКнинг 168-моддаси 3-қисми «в» банди билан жиноят иши қўзғатилиб, суриштирув-тергов ишлари олиб борилмоқда.
Manba: 7news.uz
Андижон ҳокими Шуҳрат Абдураҳмонов жиноят содир этгани ҳақида хабарлар тарқалди
Хотира ва қадрлаш кунида Ўзбекистон байроғи билан чиққан ёшлар руспарастлар қаршилигига учради
170 минг доллар пора билан қўлга тушган судья борасида расмий баёнот берилди
