Тошкент вилоятида ўғирлик содир этиб 5 ой яшириниб юрган шахс ушланди

Бекобод туманида яшовчи фуқаро Х.Эшматов туман ИИБга ариза билан мурожаат қилиб, жорий йилнинг 18 январдан 19 январга ўтар кечаси ўзига тегишли савдо дўконига номаълум шахс яширин равишда кириб, (тахминий суммаси 4 млн сўмдан ортиқ бўлган) озиқ-овқат ва ноозиқ-овқат маҳсулотларни олиб кетганлигини ва ушбу шахсларга нисбатан қонуний чора кўришни сўрайди.

Олиб борилган қидирув-суриштирув ишлари натижасида ушбу жиноятни Бекобод шаҳри 5-даҳада яшовчи 1995 йилда туғилган А.П. содир этганлиги ППХ ходимлари сафдор У.Азимов ва Ш.Қораевлар томонидан аниқланиб, 2 июнь куни ушланди.

Шунингдек, савдо дўкондан ўғирланган 10 дан ортиқ қурилиш моллари далилий ашё сифатида олиниб, ҳолат юзасидан Ўзбекистон Республикаси Жиноят кодексининг 169-моддаси 2-қисми “г” банди билан қўзғатилган ва жиноят иши терговга ўтказилади.