Тошкент шаҳридаги "Юнусобод" бозори тўлиқ қайта қурилади. Айтишларича, бозор ҳудуди деярли 5 баробар кенгаяди ва бир неча ҳудудлардан иборат замонавий савдо, бизнес ва дам олиш марказига айланади.
Турк-сингапур лойиҳачилар жамоаси томонидан ишлаб чиқилган мазкур лойиҳа билан яқинда давлат раҳбари ҳам шахсан танишган эди.
Қайд этилишича, қайта қуриш жараёнида 350га яқин тадбиркор меҳнат қилаётган бозор фаолиятини сақлаб қолиш устувор вазифа ҳисобланади. Шу муносабат билан Тошкент шаҳар ҳокимлиги тез кунда тадбиркорлар билан махсус учрашув ўтказишни режалаштирмоқда. Унда уларга янги шарт-шароитлар тушунтирилади ва уларнинг истаклари тингланади.
