Тошкент метросида носозлик юз берди

Бугун Тошкент метросидаги техник носозлик сабабли бир поезд ҳаракатдан тўхтатилди

23 май куни соат 16:48 атрофида “Олмазор” бекатидан ҳаракатланиши керак бўлган 9-сонли поездда ҳаво компрессори босими меъёрга жавоб бермагани аниқланди.

Белгиланган тартибга кўра, поезд ҳаракати тўхтатилиб, йўловчилар бекатга туширилди. Носоз поезд электродепога юборилди.

3 дақиқа ўтгандан сўнг орқадан келган поезд орқали йўловчилар манзиллари томон олиб кетилди, дейилади "Тошкент метрополитени" ДУК хабарида.