“Толибон” хавфсизлик кучлари Афғонистоннинг Ҳирот шаҳрида норозилик намойишини тарқатиш учун ҳақиқий ўқ-дорилардан фойдаланган. Гувоҳлар ва намойишчиларнинг NBC'га хабар беришича, қатъий исломий кийиниш қоидаларини бузганликда айбланган аёллар оммавий ҳибсга олинганидан кейин маҳаллий аҳоли кўчаларга чиққан.
Маҳаллий тиббий хизмат ходимларининг сўзларига кўра, тўқнашувлар пайтида камида икки киши ҳалок бўлган, аммо улар ўлимнинг аниқ сабабини айтилмаган. Яна бир нечта намойишчи турли даражадаги жароҳатлар олган.
Ҳирот полицияси қурбонлар ҳақидаги хабарларни рад этди, аммо куч ишлатилганини тан олди. BBC'га берган баёнотида хавфсизлик кучлари ходими "хавфсизликни таъминлаш ва жамоат тартибини сақлаш учун тезкор чоралар кўрилганини" таъкидлади. Бироқ у намойишни тарқатиш учун қандай усуллар қўлланганига аниқлик киритишдан бош тортди ва журналистларнинг ўқотар қуроллардан фойдаланилгани ҳақидаги тўғридан-тўғри саволларини эътиборсиз қолдирди.
"Хавфсизлик кучлари намойишни тарқатиш учун таёқ, қамчи ва ўқотар қуроллардан фойдаланди. Улар ҳатто ҳавога ўқ узишди. Шахсан мен одамларнинг яраланганини кўрдим. Кўчаларда қўрқув ҳукмронлик қилмоқда", — деди воқеа гувоҳларидан бири.
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
Тимми исмли кит биоёқилғига айланади
Жалолиддин Машарипов терма жамоа қайдномасидан чиқарилмоқда
