«Толиблар АҚШни Афғонистондан чиқариб юборган эди, энди эса яна қайтишга чақирмоқда» — The New York Times

АҚШ қўшинлари Афғонистондан чиқарилганига 5 йил ўтиб, мамлакат ҳукумати Вашингтонга дипломатик ҳозирлигини тиклашни таклиф қилди.

Афғонистон ТИВ раҳбари Амир Хон Муттақий The New York Times’га берган интервьюсида

АҚШ элчихонасини қайта очиши, дипломатик ваколатхонасини сақлаб қолиши ҳамда Афғонистоннинг минерал ресурслари, тўғонлари ва йўл инфратузилмасига инвестиция киритиши мумкинлигини айтди.

Муттақийнинг таъкидлашича, Толибон ҳукумати уруш даври тугаган деб ҳисоблайди ва АҚШ билан муносабатларни ўзаро ҳурмат асосида қуришни истайди. Афғонистон халқаро яккаланишдан чиқишга ҳаракат қилмоқда ва Россия, Марказий Осиё ҳамда Форс кўрфази давлатлари билан алоқаларини кенгайтирмоқда. Бироқ Вашингтон терроризм хавфи ва Толибон сиёсати билан боғлиқ хавотирлар сабабли муносабатларни тўлиқ нормаллаштиришга ҳозирча эҳтиёткорлик билан ёндашмоқда.