Тожикистонда террорчилик ва экстремистик жиноятлар сони камайди

Тожикистонда “лайклар ва репостлар” учун жавобгарликни бекор қилиш ҳақидаги қонун имзолангач, террорчилик ва экстремистик жиноятлар сони камайди.

Бу ҳақда матбуот анжуманида мамлакат бош прокурори Ҳабибулло Воҳидзода маълум қилди.

Унинг сўзларига кўра, 2025 йил якунларига кўра, бундай ҳуқуқбузарликлар сони 2024 йилга нисбатан 23 фоиздан кўпроққvа ёки 314 тага камайган.

Бош прокурорнинvг таъкидлашича, бунга президент Имомали Раҳмоннинг ижтимоий тармоқларда лайклар ва бошқа изоҳларни жойлаштиргани учун жиноий иш қўзғатмаслик тўғрисидаги кўрсатмасидан кейин мумкин бўлган. Шунингдек, унинг сўзларига кўра, тушунтириш ишлари кучайтирилган.

Эслатиб ўтамиз, Тожикистон парламенти томонидан қабул қилинган ва қўллаб-қувватланган “лайклар ва репостлар” учун жавобгарликни бекор қилиш ҳақидаги қонун 2025 йил май ойида давлат раҳбари томонидан имзоланганди. Тожикистон президентининг фикрича, айрим ҳокимият оргаgнлари фуқароларга нисбатан асоссиз равишда жиноий иш қўзғатган ва бу амалиётга чек қўйиш керак эди.