ТИВ раҳбари Буюк Британия ташқи ишлар вазири билан учрашди

Шу йилнинг 19 май куни Ташқи ишлар вазири Бахтиёр Саидов Лондон шаҳрида Буюк Британия ташқи ишлар вазири Девид Лемми билан учрашди.

Учрашувда икки давлат ўртасидаги муносабатлар мустаҳкамланиб бораётганини акс эттирувчи 2025 йилга мўлжалланган кенг ва истиқболли кун тартибидаги масалалар муҳокама қилинди ва 2025-2026 йилларга мўлжалланган ҳамкорлик дастури имзоланди.

Савдо ва инвестициядан тортиб маданий алоқалар ва глобал чақириқларгача бўлган соҳаларни қамраб олган ҳамкорлигимиздаги янги имкониятлар юзасидан фикр алмашдик. Ўзаро фаровонлик ва барқарорлик йўлидаги умумий интилишларимизни яна бир бор тасдиқладик, — деб ёзади Бахтиёр Саидов ўзининг Телеграм каналида.