Дональд Трамп Владимир Путинга Украинадаги урушни тугатиш эвазига Аляска ресурсларидан фойдаланиш ҳуқуқини ва санкцияларнинг қисман бекор қилиниши таклифини кўриб чиқмоқда.
The Telegraph нашри манбасига таяниб хабар беришича, АҚШ президенти Дональд Трамп Россия президенти Владимир Путинга Украинадаги урушни тўхтатиш учун рағбат сифатида Аляскадаги табиий ресурслардан фойдаланиш имконини таклиф қилишга тайёрланмоқда.
Мўлжалланаётган бошқа таклифлар қаторида Россия авиасаноатига нисбатан жорий қилинган айрим санкцияларнинг бекор қилиниши ҳам бор. Бу, жумладан, россиялик самолётларни таъмирлаш учун зарур бўлган эҳтиёт қисмлар ва ускуналар экспортига қўйилган тақиқларни олиб ташлашни ўз ичига олиши мумкин.
Нашр маълумотига кўра, Москвага Украинадаги оккупация қилинган ҳудудлардаги ноёб ер металлари ва минераллар захираларига ҳам кириш имкони берилиши муҳокама қилинмоқда.
Хусусан, Россия назоратидаги ҳудудларда жойлашган икки йирик литий конлари тилга олинмоқда.
«Ҳар хил рағбатлар мавжуд, улардан бири — минераллар ва ноёб ер металлари бўйича эҳтимолий келишув бўлиши мумкин», — деди The Telegraph манбаси.
Трампнинг учрашувга тайёргарлигида АҚШ молия вазири Скотт Бессент ҳам иштирок этмоқда. У Вашингтон Россияга қандай иқтисодий имтиёзлар таклиф қилиши мумкинлигини ўрганмоқда.
The Telegraph эслатишича, баҳор ойларида АҚШ ва Украина ер ости бойликлари бўйича келишув имзолаган, у Вашингтонга Украина ҳудудидаги ноёб металларни ўзлаштириш лойиҳаларида имтиёзли иштирок ҳуқуқини беради.
Бу келишув Украина тикланиши учун қўшма инвестиция жамғармасини яратишни назарда тутади ва Киев учун хавфсизлик кафолати сифатида қаралмоқда. Бироқ айрим конлар Россия назоратидаги ҳудудларда жойлашган.
Самолёт Тошкент шаҳрига етмай авиафалокатга учради. Қурбонлар ва жароҳатланганлар бор.
Ички ишлар вазирлиги семиз ходимларни ишдан бўшатади
70 ёшдан ошган ҳайдовчиларга рулга ўтириш тақиқланади
