Америка етакчиси Дональд Трамп Анкорижда бўлиб ўтадиган саммит чоғида Украинадаги урушга барҳам бериш эвазига Россия президенти Владимир Путинга Аляскада ноёб ер минераллари қазиб олинишини совға қилишга тайёрланмоқда.
Бу ҳақда The Daily Telegraph манбаларга таяниб ёзмоқда.
Трампнинг яна бир таклифи, нашрга кўра, Россияда фуқаро авиацияси самолётларига хизмат кўрсатиш учун эҳтиёт қисмлар ва жиҳозлар етказиб беришга қўйилган тақиқни бекор қилишни назарда тутади. Қайд этилишича, бундай келишув Американинг Boeing концерни учун жуда фойдали бўлиши мумкин.
Таклифлар Путинга ҳозирда Россия томонидан ишғол қилинган Украина ҳудудларидаги ноёб ер минералларидан фойдаланиш ҳуқуқини ўз ичига олади.
Қайд этилишича, АҚШ молия вазири Скотт Бессент ўт очишни тўхтатиш тўғрисидаги битимни тезлаштириш учун АҚШ Россия билан келиши мумкин бўлган иқтисодий муросаларни ўрганмоқда.
Трамп ва Путин ўртасидаги учрашув 15 август куни АҚШнинг Аляска штатининг энг йирик шаҳри — Анкорижда бўлиб ўтади. Учрашувдан мақсад Россия-Украина можаросига барҳам бериш имкониятларини муҳокама қилишдир.
Аҳолига субсидия ўрнига фоизсиз қарз берилади
Ички ишлар вазирлиги семиз ходимларни ишдан бўшатади
70 ёшдан ошган ҳайдовчиларга рулга ўтириш тақиқланади
