Қўшма Штатларнинг Техас штатида 8 миллион дона 10 центлик янги зарб қилинган тангаларни олиб кетаётган юк машинаси ағдарилди. Натижада 800 минг доллар пул йўлга сочилиб кетди.
Юк машинаси 36 тоннадан ортиқ янги зарб қилинган тангаларни олиб кетаётган бўлган. Техас Жамоат хавфсизлиги департаменти вакили сержант Хосуэ Де Ла Серданинг маълум қилишича, ҳайдовчиси бурилиш жойида бошқарувни йўқотган ва йўлдан чиқиб кетган.
Хабар берилишича, йўл 14 соатга ёпилиб қолган. Бу вақтда ишчиларнинг махсус гуруҳи турли усуллардан фойдаланиб, тангаларни йиғишга ҳаракат қилган. Тангаларнинг кўп қисми йиғилгани, бироқ айрим майда пулларни эса ёмғир ювиб кетгани маълум қилинди.
