Электр ўчганлиги сабабли йўловчи поезди йўлда қолиб кетди, дея хабар бермоқда “Ўзтемирйўлйўловчи” АЖ матбуот хизмати.
Маълум қилинишича кеча, 9 декабрь куни Термиз бекатидан жўнаган 79-сонли “Термиз — Тошкент” йўловчи поезди "Жарқўрғон-Қумқўрғон" ва "Қумқўрғон-Бойсун" перегонида ташқи электр тармоғидан электр энергиянинг ўчганлиги сабабли 3 соат 40 дақиқа тўхтаб қолган. Поезд Тошкент шаҳрига ўз вақтидан 2 соат 10 дақиқага кечикиб келди.
"Йўловчиларга келтирилган ноқулайликлар учун узр сўраймиз", дейилади хабарда.
Эслатиб ўтамиз, сал аввал Энергетика вазири ўринбосари Шерзод Ходжаев электр токи бир ўчиришда икки соатдан ошмаслиги таъминланишини маълум қилган эди.
