Мамлакатимизнинг биринчи рақамли аёл теннисчиси Нигина Абдураимова Швейцарияда ўтказилаётган «W75 BELLINZONA LADIES OPEN» турнирида яккалик ва жуфтлик баҳсларида муваффақиятли иштирок этмоқда.
Нигина яккалик баҳсларининг илк даврасида германиялик Мона Бартель билан рақобатлашди ва 1:6, 6:4, 6:3 ҳисобида зафар қучди. Энди теннисчимиз чорак финал йўлланмаси учун ўтадиган ўйинда италиялик Лукресия Стефанини билан куч синашади.
Шунингдек, Н.Абдураимова жуфтликлар ўртасида Франциялик Карол Монне билан тандем ҳосил қилиб, биринчи даврада мезбонлар теннисчилари Кяра Таллери ва Зои Каегини 6:4, 6:3 ҳисобида мағлубиятга учратди. Шу тариқа, чорак финалга чиққан Нигина ва Карол ушбу босқичда словенялик Далила Якупович ҳамда руминиялик Ирина Бара тандемини синовдан ўтказадиган бўлди.
Дарвоқе, Нигина Абдураимова иштирокидаги яккалик ва жуфтлик баҳслари учрашувлари бугун Тошкент вақти билан соат 15:30 дан сўнг ўтказилади.
Ҳасанбой Дўсматов Россиядаги юришини ғалаба билан бошлади
Ўзбекистон U23 терма жамоаси Париж олимпиадасига Канадалик ўзбекни олиб бормоқчи
Мен тайёрман. Келинг хурсандчилик қиламиз - Фьюри
