Ўзбекистон велосипед спорти федерацияси раиси Танзила Нарбаева Жиззахда ёш велоспортчилар билан учрашди.
Жиззах вилоятига сафари давомида Танзила Нарбаева вилоят ҳокими Эргаш Салиев ҳамроҳлигида Жиззах олимпия ва паралимпия спорт турларига тайёрлаш марказига ташриф буюрди. Марказда велоспорт билан шуғуулланувчи ёш ўқувчилар билан учрашув ташкил этилди.
Федерация раиси Ўзбекистон Республикаси Президентининг ПҚ-5251 қарорининг ижросини таъминлаш мақсадида марказда велоспорт билан шуғулланаётган ёшларнинг техник хавфсизлигини таъминлаш учун бир дона "Дамас" автомобили, шунингдек, 10 дона трек учун мўлжалланган велосипедларни ёш спортчилар ихтиёрига топширди.
Эътиборлиси, Танзила Нарбаева сафар давомида велоспорт бўйича Ўзбекистон ёшлар терма жамоаси аъзоси, жиззахлик Нозима Эгамбердиева билан учрашди ва унга сўнгги мусобақаларда яхши натижалар қайд этгани учун 50 млн сўм миқдорида пул мукофотини топширди.