Таиландда муссон ёмғирлари оқибатида юзага келган сув тошқинлари ва кўчкилар қурбонлари сони 22 кишига етди, яна 19 киши жароҳат олди.
Bangkok Post газетасининг Табиий офатларга жавоб бериш ва бошқариш департаментига (DDPM) таяниб хабар беришича, табиий офатдан деярли 30 минг хонадон жабр кўрган.
Минтақада қидирув-қутқарув ишлари давом этмоқда.
Шимолдаги Чианг Рай, Нан, Пҳаяо, Пҳетчабун ва Пҳраэ провинцияларида сув тошқини хавфи сақланиб қолмоқда.
Ҳар йили июнь-центябр ойлари орасида муссон ёмғирлари Жанубий Осиёда кенг кўламли табиий офатлар ва бахтсиз ҳодисаларга сабаб бўлади.