Малайзия ва Таиланд шу ҳафта кутилаётган кучли ёмғир ва сув тошқинларининг янги тўлқинига ҳозирлик кўрмоқда. Бу ҳақда душанба куни мамлакат расмийлари маълум қилди, деб ёзади Reuters.
Аввалги тошқинлардан сўнг кўчирилган аҳолининг бир қисми ўз уйларига қайтди ва зарар кўрган ҳудудларда вазият ўнглана бошлади, бироқ расмийлар табиий офатларнинг янги тўлқинини кутяпти.
Малайзияда эвакуация бошпаналаридаги одамлар сони якшанба куни 152,000 дан 128,000 га камайгани ҳақида хабар берган.
Маҳаллий маъмуриятнинг маълум қилишича, энг кўп зарар кўрган шимоли-шарқий Келантан штати 4 декабрдан бошлаб яна сув тошқинига дуч келади.
Таиланд метеорология департаменти жанубдаги аҳоли 3-5 декабрь кунлари кучли ёмғирлар, шунингдек, тошқинлар, айниқса, тоғ ёнбағирлари ва тоғли ҳудудлардаги сув каналлари яқинидан эҳтиёт бўлишлари кераклигини айтди.
Эслатиб ўтамиз, ўтган ҳафтада Малайзия ва Таиландда кучли ёмғир ва сув тошқинлари оқибатида 27 киши ҳалок бўлган, ярим миллиондан ортиқ хонадон жабрланган эди.
Расмийлар буни сўнгги ўн йилликдаги энг даҳшатли сув тошқини деб ҳисобладилар.
Жанубий Корея қирувчилари Россия ва Хитой ҳарбий самолётларига қарши
Баҳсли пеналти оқибатида 100 дан зиёд одам ҳалок бўлди
Зеленский ўт очишни тўхтатишга тайёр
