🫀 Юрак хуружини ўтказган беморларда кўпинча касалликдан сўнг зарарланган мушаклар ўрни чандиқ билан қопланади. Бу эса юракнинг организмга қон ҳайдаш қобилиятини заифлаштиради ва юрак етишмовчилигини юзага келтиради.
📰 Буюк Британияда чоп этиладиган “Nature Cardiovascular Research” халқаро журналида эълон қилинган тадқиқот натижаларига кўра, инсон танасидаги GPNMB оқсили инфарктдан кейин юрак тўқимаси тикланишида муҳим роль ўйнайди.
🔬 Олимлар томонидан жониворларда ўтказилган тажриба жараёнида суяк кўмигининг иммун ҳужайралари GPR39 молекуласи билан биргаликда юрак фаолиятини тиклашга ёрдам берувчи GPNMB оқсили ишлаб чиқариши маълум бўлди.
➡️ Синов чоғида қуйидаги таҳлиллар қўлга киритилди: инфарктдан кейин бир ой ўтгач, GPNMB оқсилидан маҳрум бўлган ҳайвонларнинг 67 фоизида юрак соҳасида кучли чандиқлар кузатилди.Оқсил даражаси меъёрида бўлган жониворларда эса бу кўрсаткич атиги 8 фоизни ташкил этди.
✅ Тадқиқотчилар хулосасига кўра, ушбу янгиликдан юрак хуружи асоратларини бартараф этувчи янада самарали дори воситаларини яратишда фойдаланиш мумкин.
Президентдан “дух” олган Омонбоевага суд ҳукми ўқилди
Алишер Усмонов номзодини 103та давлат қўллаб-қувватлади
Шимолий Корея аскарлари Курскда: биринчи қон
