Ижтимоий тармоқларда Қумқўрғон тумани ветеринария ва чорвачиликни ривожлантириш бўлимида 90 туп тут дарахти таги билан кесиб ташлангани ҳақида хабар тарқалди. Сурхондарё вилоят экология, атроф-муҳитни муҳофаза қилиш ва иқлим ўзгариши бошқармаси ҳолатни ўрганиб, табиат кушандасини аниқлади.
Ўсувчанлигини йўқотмаган тутларни илгари Қумқўрғон тумани ветеринария ва чорвачиликни ривожлантириш бўлимида раҳбар бўлиб ишлаган Қувондиқ Толибов (исм-шариф ўзгартирилди) жорий йилнинг 23 ноябрида маъмурий бинонинг орқа томонида ўсиб турган 89 дона тут ва бир туп гилос дарахтини таг қисмидан ноқонуний кесгани маълум бўлди.
Вилоят экология, атроф-муҳитни муҳофаза қилиш ва иқлим ўзгариши бошқармаси маълум қилишича, ўзбошимчалик билан содир этилган бу ҳаракат Ўзбекистон Республикасининг “Ўсимлик дунёсини муҳофаза қилиш ва ундан фойдаланиш тўғрисида”ги қонуни 37-моддаси талабларини бузиб, табиатга 50 миллион 625 минг сўм зарар етказган.
Мазкур ҳолат юзасидан Қумқўрғон тумани Қорсоқли маҳалласида яшайдиган табиат кушандасига Ўзбекистон Республикаси Маъмурий жавобгарлик тўғрисидаги кодекснинг 79-моддаси 1-қисмига мувофиқ маъмурий баённома расмийлаштирилиб, 9 миллион 375 минг сўм жарима белгиланди. Шунингдек, кесилган ҳар бир туп дарахт учун 100 тупдан дарахт кўчатини экиб, уни уч йил давомида парваришлаб бериш мажбурияти ҳам юклатилди.
Қаттиқ совуқ қачон чекиниши маълум қилинди
Ўзбекистонга яна қорли совуқ ҳаво кириб келмоқда
Пропан нархи тушишда давом этмоқда, бензин эса....
