Бугун 14 декабрь, 2024 йил, шанба

O'ZB

Сурхондарёда уч кишини юк машинаси уриб юборди. 2 киши ҳалок бўлди

Сурхондарёда уч кишини юк машинаси уриб юборди. 2 киши ҳалок бўлди

Сурхондарё вилояти Бойсун туманида 7 октябрь куни юк машинаси ҳайдовчиси йўл четида турган фуқароларни уриб кетди. Бу ҳақда вилоят ЙҲХБ ахборот хизмати маълум қилди.

Қайд этилишича, ҳолат соат 22:30 атрофида “Темир дарвоза” МФЙ ҳудудидан ўтувчи М-39 автомобиль йўлининг 116-километрида содир бўлган. Captiva ҳайдовчиси икки йўловчиси билан йўл четида тўхтаб, ёқилғи қуяётганда Isuzu юк машинаси ҳайдовчиси уларни уриб юбориб, воқеа жойидан кетиб қолган ва бу ҳақда ҳеч кимга хабар бермаган.

ЙТҲ оқибатида ҳайдовчи ва бир нафар йўловчи воқеа жойида ҳалок бўлган. Яна бир йўловчи шифохонага ётқизилган.

Олиб борилган тезкор чоралар натижасида Isuzu ҳайдовчиси шу куннинг ўзида Сирдарё вилоятида ушланган ва Бойсун тумани ИИБга олиб келинган.

Ҳолат юзасидан жиноят иши қўзғатилиб, гумондор процессуал тартибда қамоққа олинган.

Киритилди: 11:00 11.10.2024. Ўқилди: 1373 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!