Сурхондарё вилоятида кўп қаватли турар жой биноларида 1,5 млрд сўмлик табиий газдан ноқонуний фойдаланиш ҳолати аниқланди

"Ўзэнергоинспекция" Сурхондарё вилоят ҳудудий бошқармаси ва ҳуқуқни муҳофаза қилувчи органлар иштирокида ўтказилган назорат тадбирида "М. Д." МЧЖ томонидан Жарқўрғон тумани, "Қораёнтоғ" маҳалласида жойлашган 5 та кўп қаватли уйни лойиҳа-техник ҳужжатларини расмийлаштирмасдан газ тармоғига улаб фойдаланганлиги аниқланди.

Ушбу қоидабузарлик натижасида дастлабки ҳисоб-китобларга кўра газ таъминоти корхонасига 1 миллиард 556 миллион сўмлик зарар етказилганлиги маълум бўлди.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.