Сурия Трампга санкцияларни олиб ташлаш эвазига ер ости бойликлари бўйича келишувни таклиф қилмоқда. Бу ҳақда The Times хабар берди.
"Суриянинг янги ҳукумати воситачилар орқали Қўшма Штатларга табиий ресурслардан фойдаланиш бўйича Украина билан тузилган битимга ўхшаш келишувни таклиф қилди. Дамашқ Вашингтондан бунинг эвазига санкцияларни олиб ташлашни сўрамоқда", деб ёзади газета.
Нашр маълумотларига кўра, Суриянинг вақтинчалик президенти Аҳмад аш-Шаара Дамашқда Trump Towerбиноси қурилиши эҳтимолини ҳам тилга олган.
"АҚШ маъмурияти Трампнинг Саудия Арабистонига ташрифи чоғида аш-Шаара билан учрашишини кўриб чиққан эди, бироқ 12 май оқшомида бу учрашув бўлмаслиги эълон қилинди. Бу учрашувга АҚШ миллий разведкаси раҳбари Тулси Габбард қаршилик билдирган", деб ёзади Тhe Times.
Бундан ташқари, Трамп Саудия Арабистонига кетишидан олдин Оқ уйда ўтказилган брифингда Сурияга қарши санкцияларнинг юмшатилиши эҳтимоли борлигини айтди.
"Биз санкциялар масаласида қарор қабул қилишимизга тўғри келади. Суриядан санкцияларни олиб ташлашимиз мумкин, чунки уларга янги имконият беришни истаймиз", — дея фикр билдирган Қўшма Штатлар президенти.
Трампнинг сўзларига кўра, Сурияга қарши санкцияларни юмшатишни Туркия президенти Ражаб Тоййиб Эрдўған сўраган.
Элдор Шомуродов янги жамоасининг таклифини қабул қилди
Қирғизистонда фавқулодда ҳолат эълон қилинди
Германия канцлери: Исроилнинг “ифлос иши” ҳақидаги фикримдан афсусланмайман
