2025 йил 1 июлдан бошлаб, Россия ҳудудида биометрик маълумотларни топширмаган хорижий фуқароларнинг мобиль алоқаси босқичма-босқич ўчирила бошланади. Бу ҳақда Россиянинг Рақамли ривожланиш вазирлиги маълум қилди.
Вазирлик хабарига кўра, жорий йил бошидан буён хорижликлар мобил операторлар билан шартнома тузиши учун уларнинг маълумотлари ягона биометрик тизимга киритилиши шарт. Шунингдек, ҳар бир хорижлик фақат 10 та SIM-картага эга бўлиши мумкин.
Олдин тузилган шартномалар бўйича биометрик маълумотлар 1 июлга қадар топширилиши керак эди. Ушбу талабни бузган абонентларга нисбатан операторлар қуйидаги чекловларни жорий қилади:
Аввало, 3 ойдан зиёд фаол бўлмаган рақамлар тўлиқ ўчирилади;
Фаол рақамлар бўйича эса икки босқичли чора кўрилади: дастлаб халқаро ва шаҳарлараро қўнғироқлар чекланади, интернет тезлиги пасайтиради;
30 кундан сўнг эса алоқа бутунлай ўчирилади.
Шу муддат ичида абонентлар шартномани қайта расмийлаштириб, биометрик маълумотларни топшириш орқали алоқани тиклашлари мумкин.
Қирғизистонда фавқулодда ҳолат эълон қилинди
Аёлларнинг пенсия ёши яна 6 ойга оширилди
Эрон: "Исроил тирик қолиш учун "дада"сига қараб югурди"
