Ноқонуний гуруҳлар олиб чиқиб кетилгандан сўнг, Ас-Сувайда шаҳридаги касалхонада тинч аҳоли ва Дамашқдаги янги ҳокимият назоратидаги хавфсизлик кучларига тегишли бир неча ўнлаб жасадлар топилди.
Бу ҳақда Сурия Соғлиқни сақлаш вазирлигининг Telegram’даги нашрида маълум қилинган.
"Ноқонуний қуролли гуруҳлар Ас-Сувайда миллий госпиталидан ҳайдаб чиқарилгандан сўнг, у ерда бир неча ўнлаб жасадлар топилган. Текширувдан сўнг улар тинч аҳоли ва Сурия хавфсизлик кучлари ходимларига тегишли деган хулосага келиш мумкин", дейилади хабарда.
Ас-Сувайдада қолдиқлари топилган қурбонларнинг аниқ сони ва уларнинг ўлими сабаблари ҳозирча ошкор этилмаган.
Сурия соғлиқни сақлаш вазири Мусааб ал-Али SANA агентлигига 15 та тез ёрдам машинасидан иборат карвон ҳозирча Ас-Сувайда провинциясига кира олмайди, чунки у Исроил самолётлари томонидан тўсиб қўйилган. "Самолётлар ҳаракатланаётган ҳар қандай транспорт воситаларини ўққа тутмоқда", деди ал-Али ва тез ёрдам бригадаларидан ташқари, турли ихтисосликдаги 10 нафар жарроҳ ва икки машина Ас-Сувайдага дори-дармон ва ашёларни етказиб бериш учун юборилганини қўшимча қилди.
Машҳур блогер Абдурозиқ Дубай аэропортида ҳибсга олинди
Дилшод Тўрахўжаев иши: Россия Ўзбекистонга нота йўллади
“UzAuto Motors” янги тўлов шартларини эълон қилди
