Суриянинг Чегара ва божхона назорати бош бошқармаси Иордания билан чегарада жойлашган «Насиб» назорат-ўтказиш пункти орқали йўловчилар ва юк ташувчи транспорт воситалари ҳаракатини тўхтатди.
«Дараа вилоятидаги вазият сабабли чегара ўтказиш пункти вақтинча ёпилганини маълум қиламиз. Саёҳатчилар ва чегара хизмати ходимлари хавфсизлигини таъминлаш мақсадида йўловчилар ва тижорат юкларининг ҳар икки йўналишдаги ҳаракати тўхтатилди», — дейилади баёнотда.
Аввалроқ Иордания армияси 26 октябрь куни мамлакат Қироллик ҳаво кучлари самолётлари «Сурия жанубидаги қуролли гуруҳлар объектларига» зарбалар берганини маълум қилган эди. Бунга ушбу гуруҳлар Иорданиянинг Ал-Карак вилоятидаги Георгий черковига ҳужум қилган террорчилар билан боғлиқ экани аниқлангани сабаб бўлган.
Иордания томонининг маълум қилишича, операция «Сурия ҳукумати билан мувофиқлаштирилган ҳолда» амалга оширилган. Бироқ Дамашқдаги расмийлар зарбалар Сурия ҳукумати билан келишилмаганини билдирган.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
