Сурия минтақавий давлатлардан Ҳормуз бўғозини четлаб ўтадиган қўшма денгиз йўллари тармоғини яратиш бўйича амалий қадамлар кутмоқда.
Бу ҳақда Сурия транспорт вазири Яаруб Бадер Дамашқда бўлиб ўтган Сурия-Британия бизнес форуми доирасида эълон қилди.
Унинг таъкидлашича, Дамашқ Сурия портлари ва Форс кўрфази давлатлари ўртасида йўл тармоғини ривожлантиришни фойдали деб билади.
"Биз бундай ҳар бир ташаббусни олқишлаймиз ва бу қизиқишнинг лойиҳаларга айланишини кутамиз. Сурия ўз тарихи давомида Шарқ ва Ғарбни боғлашда муҳим роль ўйнаган", деди у.
Унинг қўшимча қилишича, Сурия аллақачон мустақил равишда автомобиль ва темир йўл тармоғини ривожлантирмоқда.
Нашр эслатишича, ўтган ҳафта Сурия божхона хизмати раҳбарияти БАА вакиллари билан Сурия портлари, чегара ўтиш пунктлари ва эркин иқтисодий зоналарни ривожлантириш масалаларини муҳокама қилиш учун учрашган.
The National нашрининг хабар беришича, апрель ойида Сурия, Туркия ва Иордания Шимол-Жануб транспорт йўлагини ривожлантиришга келишиб олишган, уни Саудия Арабистони темир йўллари билан боғлаш имконияти мавжуд.
Ўн йилдан сўнг пулнинг аҳамияти деярли қолмайди
Эрон 200 нафардан ортиқ америкалик ҳарбий хизматчиларни йўқ қилди
Россия халқини ҳеч қачон енгиб бўлмайди
